మనిషి, ఎప్పుడుఅయితే కర్త, కర్మ మరియు క్రియ, అన్ని నరుడులో ఉన్న పరుడు చేస్తున్నాడు అనే భావన తో, మనసా వాచా కర్మణా, త్రికరణ శుద్ధిగా విశ్వసిస్తాడో, అప్పుడు, వాడు కర్మఫల త్యాగి గ ఎఱింగి, ఆ ఫలితం గ, తిరిగి మర్త్యలోకానికి చేరడు, అంతేకాదు ఏ చాతుర్వర్ణనలోనికి (దేవత, మనుష్య, జంగమ మరియు స్థావరాలు ) విసిరివేయబడడు లేదా జారిపోడు ఎందుచేతన అంటే, ఆ జీవునికి, ఏ కర్మ వాసనలు అంటలేదు ఇంకా చేప్పాలంటే , నేను అనే స్పృహ లేదు కాబట్టి!

*అయితే, మానవులం కదా, మంచి జరిగితే లేదా ప్రతిభను గుర్తిస్తే నేను అనే భావన, లేదు, అనుకున్నది జరగకపోతే , పరుడి ఆట అనే భావనలో జీవిస్తాం అవునా ! కాదా !

అందుకే శ్రీకృష్ణ పరమాత్ముడు, కర్మణ్యే వాదికారస్తే… అని చాల అర్ధవంతం గ అర్జునుడిని అడ్డుగా పెట్టుకొని మనకి భగవద్గిత రూపం లో, జీవుని యొక్క తత్వాన్ని భోధనచేసినారు!

ముందు జన్మల పాప పుణ్య కర్మలను గురించి నేను ఇప్పుడు, మాట్లాడాను, కానీ, ఒక ఉదాహరణ చెపుతాను, జాగర్తగా విషయాన్ని గ్రహించే ప్రయత్నం చేద్దాం సరేనా !

ఒక కుటుంబం లో, భార్య భర్త మరియు ఒక బిడ్డ ఉన్నారు అని అనుకుందాం, ఆ భర్త కి మసాలా వంటకాలు తీసుకుంటే కడుపులో లేదా పొట్టలో బర్నింగ్ సెన్సేషన్ అవుతుంది, కానీ, ఆ రోజు, అయన ధర్మపత్ని, శనివారమని, వీకెండ్ అని, మంచిగా మసాల దట్టించిన, సువాసనతో ఘుమ ఘుమ అనిపించే బిర్యానీ, అయ్యో సారీ, వెజ్ బిర్యానీ చేస్తే, ఆ భర్త కి తెలుసు, మసాలా వంటకాలు తన శరీరానికి అంత మంచిది కాదు అని, కానీ, ఇంద్రియ నిగ్రహం లేక, ఇంద్రియ మొహం లో, తలమునకలై , ఆబగా గ, ఆ వెజ్ బిర్యానీ సుష్టుగా తిని, బ్రేవ్ అని త్రెంచి, ఆనందం గ, ఓ మాంచి తెలుగు పాత సినిమా చూసి, విశ్రాంతి తీసుకొనే క్రమం లో, పడుకునే ప్రయత్నం చేసారు.

అయితే పాపం, లోపలికి వెళ్లిన ఆ ఆహారం, ఏది, మసాలా తో కూడిన వెజ్ బిరియాని, తన పని కానించేస్తుంది, అంటే అయ్యగారికి, బర్నింగ్ సెన్సేషన్ మొదలయింది , పాపం నిద్ర కరువయింది అయ్యగారికి, ఎందుచేతన అంటారు? ఇంద్రియ మొహం లో చిక్కిన దాని ఫలితంగా !

కర్మ అంటే, చేసిన పని యొక్క ఫలితం అవునా ! కాదా !, అది ముందు లేదా వెనుక, అన్నది అప్రస్తుతం, కానీ నిజ అదే కదా! వెజ్ బిర్యానీ తనకు మంచిది కాదు అని తెలిసిన కూడా ఆహారం గ తీసుకున్నారు, ఆ ఫలితానికి, పర్యవ్యసనంగా నిద్రకి దూరమయ్యారు,

చూసారుగ, తెలిసి చేసిన తెలియక చేసిన, ఆ చేసిన పని యొక్క ఫలితం అయితే తిరిగి తిరిగి మనదగ్గరకే వస్తుంది, అది ఇప్పుడు చేసినదా లేదా ఎప్పటిదోన అనే కాలం తో సంబంధం లేకుండా వేటాడి వెంటాడి మనకి ఆ యొక్క ఫలితాన్ని పూర్తిగా తిరిగి ఇచ్చి వెళుతుంది,!

ఈ ప్రశ్నలో, ఈ కర్మలని ఎవరు మైంటైన్ చేస్తారు, అని కూడ సందేహాన్ని వెలిబుచ్చారు, ఆ సందేహానికి రేపు అనగా ఆదివారం విశ్లేషణ అందచేయగలను అని భావిస్తూ, మీ అందరి దగ్గర సెలవు తీసుకొంటున్నా, మరి సెలవా!

జై శ్రీమన్నారాయణ